Vel mål

  • Mål 1: Utrydde fattigdom

    Utrydde alle former for fattigdom i heile verda

    Mer om mål 1

  • Mål 2: Utrydde svolt

    Utrydde svolt, oppnå mattryggleik og betre ernæring, og fremje berekraftig landbruk 

    Mer om mål 2

  • Mål 3: God helse og livskvalitet

    Sikre god helse og fremje livskvalitet for alle, uansett alder

    Mer om mål 3

  • Mål 4: God utdanning

    Sikre inkluderande, rettferdig og god utdanning og fremje moglegheiter for livslang læring for alle

    Mer om mål 4

  • Mål 5: Likestilling mellom kjønna

    Oppnå likestilling og styrkje stillinga for jenter og kvinner i samfunnet

    Mer om mål 5

  • Mål 6: Reint vatn og gode sanitærforhold

    Sikre berekraftig vassforvaltning og tilgang til vatn og gode sanitærforhold for alle

    Mer om mål 6

  • Mål 7: Rein energi til alle

    Sikre tilgang til påliteleg, berekraftig og moderne energi til ein overkomeleg pris

    Mer om mål 7

  • Mål 8: Anstendig arbeid og økonomisk vekst

    Fremje varig, inkluderande og berekraftig økonomisk vekst, full sysselsetjing og anstendig arbeid for alle

    Mer om mål 8

  • Mål 9: Industri, innovasjon og infrastruktur

    Byggje solid infrastruktur og fremje inkluderande og berekraftig industrialisering og innovasjon

    Mer om mål 9

  • Mål 10: Mindre ulikskap

    Redusere ulikskap i og mellom land

    Mer om mål 10

  • Mål 11: Berekraftige byar og lokalsamfunn

    Gjere byar og lokalsamfunn inkluderande, trygge, robuste og berekraftige

    Mer om mål 11

  • Mål 12: Ansvarleg forbruk og produksjon

    Sikre berekraftige forbruks- og produksjonsmønster

    Mer om mål 12

  • Mål 13: Stoppe klimaendringane

    Handle omgåande for å motarbeide klimaendringane og konsekvensane av dei (Basert på ei erkjenning av at FNs rammekonvensjon om klimaendring er det viktigaste internasjonale og mellomstatlege forumet for forhandlingar om globale tiltak mot klimaendringar.)

    Mer om mål 13

  • Mål 14: Livet i havet

    Bevare og bruke hav og marine ressursar på ein måte som fremjar berekraftig utvikling

    Mer om mål 14

  • Mål 15: Livet på land

    Verne, tilbakeføre og fremje berekraftig bruk av økosystem, sikre berekraftig skogforvaltning, motverke ørkenspreiing, stanse og reversere landforringing og stanse tap av artsmangfald

    Mer om mål 15

  • Mål 16: Fred, rettferd og velfungerande institusjonar

    Fremje fredelege og inkluderande samfunn for å sikre berekraftig utvikling, sørgje for tilgang til rettsvern for alle og byggje velfungerande, ansvarlege og inkluderande institusjonar på alle nivå

    Mer om mål 16

  • Mål 17: Samarbeid for å nå måla

    Styrkje verkemidla som trengst for å gjennomføre arbeidet, og fornye globale partnarskap for berekraftig utvikling

    Mer om mål 17

Kva er FNs berekraftsmål?

FNs berekraftsmål er verdas felles arbeidsplan for å utrydde fattigdom, kjempe mot ulikskap og stoppe klimaendringane innan 2030.

FNs berekraftsmål består av 17 mål og 169 delmål. Måla skal fungere som ei felles global retning for land, næringsliv og sivilsamfunn.

Måla blei laga på ein demokratisk måte gjennom innspel frå land over heile verda, og nesten ti millionar menneske fekk sagt si meining gjennom ei spørjeundersøking.

Forut for berekraftsmåla førte tusenårsmåla (2000-2015) til stor framgang på område som utdanning og helse, men har og blitt kritisert for kun å adressere symptoma på fattigdom. Berekraftsmåla skal gjere noko med årsakene til fattigdom, ulikskap og klimaendringar.

Eit av hovedprinsippa i berekraftsmåla er at ingen skal bli utelatne. Dei mest sårbare menneska må derfor bli prioriterert. Eksempel på ekskluderte grupper er menneske med nedsett funksjonsevne, flyktningar, etniske og religiøse minoritetar, jenter og urfolk.

Undervisningsopplegg om berekraftig utvikling

FN-sambandet har utvikla tverrfaglege læringsressursar om berekraftig utvikling og FNs berekraftsmål for alle skoleslag. 

Vi ønsker ei heilskapleg undervisning for berekraftig utvikling, som både viser det globale samspelet mellom sosiale, økonomiske og miljømessige forhold og korleis verdas utfordringar heng saman.

Sjå film om FNs bærekraftsmål her


Kva slags framtid vil vi ha? FNs bærekraftsmål

Norge og berekraftsmåla

FNs berekraftsmål gjeld alle land i heile verda. Måla har stor innverknad på norsk politikk – både i kommunar og lokalsamfunn, og nasjonalt. Digitaliserings- og forvaltningsminister Torgeir Micaelsen har ansvaret for å koordinere arbeidet til regjeringa med FNs berekraftsmål.

Ei fersk stortingsmelding viser at Norge ligg godt an til å nå dei fleste av berekraftsmåla. Samstundes skaper høg levestandard og eit høgt materielt forbruk utfordringar. Norge har eit ressursforbruk som er langt høgare enn gjennomsnittet både globalt og i Europa.

Eit sentralt problem er at Norge ofte prioriterer å utnytte naturressursar framfor å bevare økosystem og biologisk mangfald (mål 15). Vidare eksporterer vi store mengder olje og gass (mål 13), kastar store mengder elektronisk avfall (mål 12), og har eit høgt kjøtforbruk som bidreg til store utslepp av metangass (mål 2).

Berekraftsmålsrapporten viser at måla Norge ligg dårlegast an til å nå, er berekraftsmål 2 «Utrydde svolt», 12 «Ansvarleg forbruk og produksjon», 13 «Stoppe klimaendringane» og 15 «Livet på land».

Stortinget og berekraftsmåla
Stortinget og berekraftsmåla. Foto: FN-sambandet

I juni 2021 la regjeringa fram ein nasjonal handlingsplan for berekraftsmåla, og Stortinget vedtok planen 5. april 2022.

I juni 2025 la regjeringa frem stortingsmeldinga Norges arbeid med bærekraftsmålene, Meld. St. 35 (2024–2025), som gjer greie for for status, utfordringar og vegen vidare.

Rapportering til FN om Norges oppfølging av berekraftsmåla

Alle land kan rapportere frivillig til FN om korleis dei jobbar med måla, og kor langt dei har kome. Norge har levert sin tredje rapport til FN. Rapporten blei presentert av regjeringa på FNs høgnivåforum for oppfølging av berekraftsmåla (HLPF) i juli 2026.

Andre sentrale rapporter